噚日十一月十一號，一個叫大衞城文化中心嘅團體發起將呢日定為「夫妻節」，寓意係四條一，代表一生一世、一夫一妻，又真係幾貼切，呢個團體噚晚重喺尖沙嘴文化中心廣場搞咗個晚會，邀請咗五百對夫婦出席。
會上自然唔少得要分享下夫妻相處之道啦，其中一位上台發言嘅中學副校長布先生話，上月發現自己患上末期肺癌，令佢頓悟婚姻和諧嘅秘密，就係同老婆嗌交一定要輸，因為贏咗紛爭，隨時輸咗婚姻。
布先生嘅肺腑之言，簡直係已婚同未婚男士嘅金石良言，大家千祈、千祈、千祈，記住、記住、記住呀！
傳真︰2623-9278
電郵︰