「我都要同文龍交代番」
陶大宇、郭可盈淺吻變濕吻五次咁多

郭可盈和陶大宇昨日凌晨為無綫新劇《青出於藍》拍攝一場街頭激吻戲，兩人本來以為只是蜻蜓點水式親吻，但導演卻臨時改為激吻戲，結果他們咀了五次才拍完。而可盈更表示，由於改動拍攝內容，必須向男友林文龍交代清楚。

郭可盈和陶大宇昨日凌晨在灣仔拍攝無綫新劇《青出於藍》，二人在劇中扮演情侶，並拍攝一場街頭激吻戲，先後咀了五次才完工。
大宇表示為了拍攝這場戲，事前做足準備工夫，他說：「我十二點開始冇食煙，都係尊重對手。」大宇拍攝咀戲前可有向太太備案？他說：「呢啲係工作需要，唔會刻意同太太講，佢好信任我。以前我都拍過三級片，重上晒床，太太嬲就唔會嫁畀我。𠵱家乜嘢年代，中國人都上晒太空。今次呢場戲係導演要求，佢話觀眾寫信嚟話好耐冇見過我哋拍咀戲，咪盡量滿足佢哋嘅要求。」

「冇得唔打真軍」
可盈拍攝前還以為是蜻蜓點水式輕吻，但拍攝時則變成激吻，可盈說：「同導演溝通好，冇得唔『李華月』（指打真軍）。我拍呢場戲前都有同林文龍講，但𠵱家改咗唔係蜻蜓點水，我都要同文龍交代番。文龍上次拍《陀槍師姐》拍咀戲，佢都有同我講，所以我都要同佢講番。」可盈跟大宇拍攝時，亦有先𡁻香口膠做口腔清潔，可盈說：「我同大宇都熟，所以大家拍時冇尷尬。」
採訪：王崇穎
攝影：陳偉權