大家今日有冇留意本報A12版廣告「有幸有不幸」呢？可能大家唔知道乜嘢係第二類互連，但唔重要，八方想講嘅係，不惜花費數以十萬賣呢個廣告計劃嘅人，就係九倉電訊主席吳天海。
吳主席噚日特地召開記者招待會，公布今日會喺各大報章刊登呢個「有幸有不幸」嘅全版廣告，內容就係想同大家講，如果冇咗第二類互連，香港市民會有幾慘。至於實際係咪咁慘，各位唔好叫八方品評，因為實在唔係專家。
但吳主席噚日講出嘅譬喻又幾盞鬼，佢話：「好似新填地街三七四號呢啲細樓咁，冇人會特登走去起網入屋，所以冇咗互連嘅話，住喺嗰度嘅張婆婆就永遠都冇其他選擇……」聽落有啲似為阿婆請命，但八方睇完個廣告，首句係「區議員可以揀，為何電話服務無得揀？」即刻諗起「區議員可以揀，為何特首冇得揀？」
傳真︰2623-9278
電郵︰