容祖兒（Joey）初出道時經常被指不懂穿衣，品味拙劣，但經過一段時間的磨練後，Joey近年已成為年輕人的模仿對象，晉身年輕人心目中的潮人一族。而Joey亦善用mix&match的技巧，將平民化的品牌與一些時尚牌子加以配搭，並不一味做名牌奴隸。
容祖兒早前出席商台活動時，穿上了一對價值近六千元的VeroniqueBranquinho軍綠色長靴示人，她說：「其實我一直都好捨得花錢去買鞋，我覺得VeroniqueBranquinho嘅cutting好靚，而且又會着得對腳好slim，所以就特登着短褲去襯呢對鞋，咁就可以睇到個cutting啦。」
雖然腳上的長靴價值六千元，不過Joey所穿的黑色上衣與格仔短褲，甚至頭上的ArnoldPalmer帽，各樣都只需數百元。Joey強調其選購服飾的大前提在於舒適，她說：「我買衫都唔係一定要買名牌，只要我覺得件衫襯自己同埋着得舒服就OK啦！我件衫同短褲就係之前去日本時買落嘅，兩樣嘢夾埋都唔過一千蚊，至於ArnoldPalmer呢個牌子就好啱年輕人，價錢又平。」
Joey又表示十分喜歡收藏飾物，當日她所佩戴的手箍便是Gomme的出品，她說：「我覺得戴啲飾物會特別啲，咁平時當然唔會戴一啲好誇張嘅首飾啦！好似我呢一個透明鏈墜咁，簡簡單單最好係用嚟襯casualwear。」
原來Joey的打扮心得統統取經自各大歐洲時裝書，她說：「如果我着衫冇靈感，我就會睇書，不過因為我着唔到日本size，所以我睇歐洲時裝書，好似今年好興嘅黑白色、千鳥格同幾何圖案，我都有入貨，另外，今年最啱襯衫就係手套，我自己都好鍾意戴手套。」
採訪：楊潔雯、李珮洳
