《蘋果》母公司壹傳媒噚晚發表通告，公布「光纖之父」、中文大學前校長高錕，噚日起加入壹傳媒董事會，出任獨立非執行董事。高校長現時係資科顧問有限公司嘅主席及行政總裁，亦係兩間上市科技公司精電國際及新意網嘅董事，相信高校長今次係首次加入傳媒公司做董事。
高校長發明光纖，對現代通訊嘅貢獻，實在毋須多講。佢重曾經被《亞洲新聞》選為本世紀科技領袖，因為「沒有高錕就沒有今日的電訊革命」。八方幾年前訪問過高校長，佢講起自己發明光纖，更勉勵年輕人要抱着唔怕錯嘅精神，去創作發明。呢句「唔怕錯」，八方都成日聽到肥佬黎講，唔知係咪大家思路相似，所以肥佬黎要搵高校長入董事會提供意見。
（圖）「光纖之父」高錕已加入壹傳媒董事會，出任獨立非執行董事。
傳真︰2623-9278
電郵︰