喺電影《無間道》裏面，黃秋生所飾演嘅O記C組組長黃志誠嘅角色可謂深入民心，但估唔到現任O記一哥馮建民竟然曾經係真實版嘅O記C組組長。
馮Sir噚日出席理工大學舉辦嘅「午間暢聚」，同幾十名理大學生分享佢寶貴嘅人生經驗，馮Sir劈頭就講佢十幾年前曾經做過O記C組組長，咁啱同黃秋生喺《無間道》裏面所飾演嘅角色職位一模一樣，但佢強調完全冇洩露過任何情報畀電影公司。
八方事後問馮Sir睇《無間道》嘅時候係唔係特別投入，佢就笑笑口講：「咁又冇乜特別感覺，但套戲就真係幾有戲劇性。」
傳真︰2623-9278
電郵︰