何超儀與陳子聰將於本周五在澳洲舉行婚禮，與超儀相識多年的王菲御用形象指導TitiKwan，負責設計一系列新郎、新娘及兄弟伴娘的禮服，婚紗設計靈感來自二十年代，並請來法國國寶級刺繡專家花了個半月時間人手縫製，價值接近二百萬元。
賭王何鴻燊千金何超儀（Josie）本周五在澳洲與陳子聰結婚，是跨越社交界與娛樂圈的盛事，而在每一個婚禮中，新娘所穿的婚紗亦是當日焦點所在。過往超儀兩位胞姊超瓊與超鳳結婚時，婚紗均出自名師手筆，超瓊選中由GianfrancoFerre設計的ChristianDior婚紗，而超鳳的婚紗則由Valentino設計，當年均不超過一百萬元。
而今次一手包辦超儀婚紗及五件晚裝、新郎陳子聰兩套禮服及五位伴娘禮服的，乃是超儀口中「睇住佢大」的王菲御用形象指導TitiKwan。
Titi日前表示為超儀設計禮服，乃是他生平所接籌備時間最漫長、budget最大的一個project，單是超儀的婚紗便價值約二百萬元，並請來法國國寶級刺繡專家Lesage動用一個半月時間，以人手一針一線為超儀這襲五層的婚紗作完美刺繡釘工。
問Titi這次為超儀及眾伴娘設計的婚紗禮服，靈感來自哪裏？他說：「做婚紗禮服同做阿菲形象唔同，阿菲嗰啲係關於音樂嘅，而婚禮服裝要合乎心情，要係美麗、浪漫同幸福嘅。
「我呢一系列嘅設計，靈感係嚟自二十年代，雖然Josie性格一向畀人好激嘅感覺，但係佢嘅婚紗同晚裝就一啲都唔激，激位係落喺手染布同埋刺繡嗰部份，絕對係有難度同複雜嘅工序，甚至可以話係無中生有。總之呢件婚紗同所有參與婚禮成員嘅禮服都係互相配合，簡單得嚟豪華。」
Titi透露超儀的婚紗由九種不同布料縫合而成，他特別訂購了白色與象牙色的喱士及雪紡，共五百五十米。超儀的婚紗共有五層，最底層鑲有小珠片，第二層是顏色絲線，第三層是薄絲絨，第四層則是銀線，面層則是以人手由粉黃染至肉色的紗。
Titi說：「成件婚紗雖然共五層，但係好輕飄飄，感覺好似蒸氣咁輕，我要Josie似一個喺夢中花園出現嘅新娘，而五個伴娘嘅禮服就係唔同色澤嘅玫瑰紅色，我要佢哋好似一堆玫瑰咁伴住Josie。」
準新娘超儀早前已試穿婚紗，她穿上Titi為她設計的婚紗後，脫口說出的第一句話是：「品味用錢真係買唔到嘅。」
採訪：梁錦貞
