日日做到無停手，返屋企可以即刻坐上一張又大又舒服嘅按摩椅，感覺有幾梳乎唔使講，但綜觀市面咁多款按摩椅，名牌張張都過萬，雜嘜牌子又信唔過，皇天不負有心人，終於俾我等到OSIM罕有地開倉，最低減到近6折，最初推出時賣二萬幾嘅千禧椅家陣一皮嘢都唔使，全部包送貨，其他按摩器材同美容電器一律照減，機會唔多，有買趁手。
記者：黃婉冰
攝影：Tracy
模特兒：Tracy(Sunspot)
一般按摩椅只得滾輪按摩，但千禧椅就集齊氣壓、滾輪、震動3種按摩功能，腳部用氣壓按摩，其柔和力度有助紓緩小腿肌肉，而背部及頸部則用上滾輪及震動按摩來鬆弛肌肉，同時可選擇局部或全身按摩，絨布椅套，外形摩登不老土。
原價$15,800
特價$9,800
用空氣袋擠壓按摩，力度較其他滾動式按摩輕柔，可同時按摩身體及小腿，遙控器藏於椅旁，有皮套或絨套選擇，外形較傳統按摩椅輕巧。
原價$9,800
特價$6,800
最新款智能按摩椅，全球首創椅背內藏智能感應系統，可以因應身高，用光學感應器探測脊骨與背肩位置，按摩時更準確地接觸27個穴位，同時備有日間與夜間2種程式選擇，前者有助調節血液循環，替你返工前熱身，後者則可紓緩肌肉疲勞，助你入睡。
原價$26,800
特價$19,800
外形似梳化，備有一般按摩椅的基本程式及功能，操作簡單，總共有6種不同按法，可自行調校按摩器的高度與闊度，腳部亦有2種不同按法供選擇。
原價$13,800
特價$8,800
回家，一樣可以做腳底按摩，滾輪按摩珠子最有效紓緩腳部疼痛，除按腳外，還可以放上頸肩、脊柱、手臂、腰部及背脊，一部機按晒你全身。
原價$1,683
特價$1,380
機仔細細，但頸部、小腿與脊柱同時適用，有3種速度調校，附有遙控器，最大優點是體積細，易收藏，帶返公司慢慢享受亦可。
原價$980
特價$680
寸金尺土，有錢都未必有地方在家置按摩浴池，簡單點，買個小型按摩沐浴刷，邊洗澡邊按摩，一樣爽！沐浴刷使用乾電及防水式設計，夠安全，另附有海綿刷頭，受硬受軟任君選擇。
原價$168
特價$134
市面上一般吸塵機，用上幾次塵袋就開始釋放臭味，濾水式真空吸塵機用水代替塵袋，用水把塵埃吸實然後過濾，可有效吸走塵埃蟎，適用於吸地氈、床墊、梳化，乾濕物清潔都用得。
原價$3,980
特價$2,388
空氣污染指數日日有升無跌，添置一個空氣淨化機，鼻敏感都少啲，有時間掣與空氣流速量調校，適合養寵物的家庭。
原價$2,280
特價$1,824
利用震動原理紓緩眼部神經，促進血液循環，有助消除黑眼圈，眼罩上面有窿窿，戴上唔會變盲公，一樣活動自如。
原價$98
特價$68
曾經賣斷市的耳測溫度計，今日減價重出江湖，有華氏同攝氏顯示，探測器可以360度旋轉以配合耳道，幫小朋友量度體溫較安全。
原價$398
特價$318
地點：觀塘鴻圖道1號18樓
電話：21738888
日期：11月12日至15日
時間：10:00am至6:00pm
付款方法：現金及信用卡
備註：指定貨品提供分期付款服務，所有貨品不包保養。另，OSIM表示貨源充足，放心掃貨。