日本女生總比香港女性懂得打扮﹖就連日籍國際級髮型大師ShinTanaka，來到香港亦話香港女生唔多着重髮型。事實上一身靚衫但唔注重化妝髮型，係好多香港女性的死穴。為打救我們，Shin即席示範快靚正整頭3招，加上定型產品可護髮的介紹，朝朝Set頭唔使10分鐘，今日開始就由頭靚到落腳！
記者：梁珮瑜攝影：陳智良
模特兒：Constanza@Elite、Mag@StarzProple
化妝：Jacqualine@Shiseido
1965年生於日本的ShinTanaka，於東京「綜合理美容專門學校」畢業。94年Shin遠道法國巴黎發展其髮型事業，96年他的首間Salon於巴黎開幕，名為AtelierFagotParis，翌年更開設第二間分店。他曾與各大名牌合作及為雜誌、時裝展設計造型，例如L'Oreal、Schwarzkopf、紐約時裝展、《Coiffuredeparisjapon》及《Hairmode》等。2000年Shin在日本的首間Salon開幕，同年更被日本名牌Shiseido邀請為其髮型用品系列擔任產品開發的工作。而Shin亦有不少星級捧場客，其中包括日本人氣女星，曾與木村拓哉合演電視劇《從天而降的一億顆星》的井川遙。
Shin：「柔和的頭髮造型是日本的秋冬大熱，感覺女性化之餘，亦要有剛強的形象。」他亦提醒我們：「不可盲目追捧潮流，有自我個性的髮型亦很重要！」。
Shin亦表示今季唔好再玩爆頭，局部間疏電曲頭髮才能帶出柔和感。Colour方面，深色會取代金髮等淺色，顏色要自然而有微妙變化，頭髮在不同燈光會有不同色調。
日本女生總是比香港女性肯花時間打扮。事實Shin亦認為香港女生要改變觀念，唔化妝出街都應該搽粉底，基本應該整吓個頭先出街。「正確觀念是要享受打理頭髮，只要學曉又快又靚的Set頭法，你就會享受玩變髮。」
第1招：快速變鬈髮
利用電熱髮卷，在髮尾做出鬈曲效果，令平板的頭型變得有動感，更可做出不同的變髮。要效果持久，可用Mousse或Spray定型。
第2招：產品多變化
使用不同種類的髮型產品，不但可有助定型，同時亦能變化出更多不同的效果。
心水推介：m-trick系列新啫喱
PururiJelly輕盈啫喱，染色髮質亦合用。含平衡粒子配方能平衡油份，可保持頭髮彈性。濕髮用可令髮質有自然光澤，乾用就定型效果更強，男仔亦啱用。$75/60g
第3招：揉搓層次感
日本髮型重視層次感，要在家中輕易塑造，除了利用定型產品，更要學手法。在濕髮上搽上Mousse後，一邊用風筒吹，一邊輕抓揉搓髮尾。不需技巧的手勢，當頭髮略乾時，富層次感的髮尾亦已成型。
平庸長髮變野性
平板短髮變性感
產品查詢：ShiseidoProfessional（27682515）
