王喜、魏駿傑及關禮傑等，昨日與三位港姐曹敏莉、戚黛黛及李詩韻在將軍澳廣播城為台慶項目「台前幕後上下一心」綵排，三位港姐今次作出新嘗試，她們會被吊起在半空中飛來飛去，同時要擺出一些優美的姿態，就像蝴蝶在空中飛舞一樣。
曹敏莉說：「我覺得好似喺空中飛咁，好好玩，未選港姐之前我都以為自己有畏高，但喺選美之後，我知我可以克服到，不過條威吔褲就有啲緊，整到個盆骨有啲痛。」魏駿傑則認為三位港姐很厲害，他說：「以前好多女仔吊威吔都會𠵱呀鬼叫，今次個表演離心力又好大，但見佢哋吊成日都冇出過聲，做港姐真係唔簡單。」此外，陳百祥將帶領一班無綫花旦表演大型舞蹈，昨日眾人在廣播城舞蹈室綵排，有份參與的陳文媛說：「第一次參與台慶有啲緊張，重要同成班人一齊跳，真係有壓力。」
採訪、攝影：楊潔雯