皮褸長青不老，無論成熟穩重或青春有型的人士都適合穿着，郭富城、李克勤及Shine日前便率先穿上皮褸示眾，正好趕上近日天氣轉冷，型得惹人注目。城城更教大家着皮褸一定要考慮線條感，應避免配搭窄身褲。
要數歷久不衰的服飾，皮褸絕對當之無愧，雖然近日天氣剛開始轉冷，但不少藝人已搶先穿上皮褸示人，郭富城日前便以一件公仔短Tee加格仔褲腳牛仔褲，配搭其泥黃色Dolce&Gabanna皮褸，營造活潑動感的形象，相當突出。
而克勤日前亦不讓人專美，穿上一件MiuMiu西裝款黑皮褸配牛仔褲，成熟穩重中帶點粗獷感覺。年輕一派的Shine也不遑多讓，兩人同以啡色二手皮褸襯格仔褲亮相，懷舊感十足。
自言對皮褸頗有研究的城城說：「唔好潮流興乜色就跟住着乜色，要睇番衣飾配襯，皮褸嘅cutting亦都要考慮埋。我就鍾情紅色，紅色皮褸係一個唔錯嘅選擇。」
城城又認為mix&match最能體現皮褸主人的個性，凸顯品味及時尚眼光。城城說：「着衫唔一定要跟上潮流，最重要係表現出自己優點，就以我嘅身材嚟講，算係均勻，衫嘅配搭比較易。不過着皮褸最好盡量避免着窄身褲，否則會令到身材唔對稱，亦容易暴露個人弱點。」
採訪：魯萍
