陳豪與經理人許愿因為金錢上糾紛，導致七年的賓主關係決裂。除有消息指許愿拖欠陳豪近百萬薪金外，今次更傳出是許愿打算將陳豪合約轉讓給其他公司，以便在陳豪約滿前大賺一筆，引起陳豪不滿所致。
記者昨日致電許愿時，他聲稱是一場誤會說：「最近我同幾間公司合作，可能佢誤會我泊咗人哋碼頭。我想澄清幾點，首先我同佢之間係有啲誤會，但唔係關於金錢上嘅問題，第二，我冇欠佢成百萬，但話遲咗畀佢就有咁嘅可能；第三，到目前為止我仍然係佢經理人，我已經出咗信畀TVB，解釋番我重係佢經理人，我哋之間有好清楚嘅協議，我覺得最近可能有啲搵佢過檔嘅人撩是鬥非，令事情複雜咗，我會同陳豪傾傾，總之法律上我仍然係佢經理人，一切照常營業。」
採訪：戴彩煥