滾石樂隊前晚完成維港騷演出後，到中國會出席鄧永鏘舉辦的派對，鄭裕玲帶同呂方及胞弟到場。自言是滾石樂迷的嘟嘟與滾石主音米積加（MickJagger）合照及握手，並大讚對方雙手比碧咸還要滑。
滾石樂隊（TheRollingStones）前晚在添馬艦演出完畢後，整個《維港巨星匯》的節目亦告結束。前晚滾石樂隊吸引不少名人明星前往捧場，完騷後上海灘老闆鄧永鏘在中國會舉行派對，每人入場費八百元，並邀得滾石樂隊成員出席狂歡。
自小就是滾石迷的鄭裕玲，前晚與男友呂方和胞弟在添馬艦看完騷後，亦到中國會親近偶像，結果三人與滾石主音米積加合照，嘟嘟事後還大讚年過六十的米積加，雙手比碧咸還要滑。
嘟嘟表示當她得知滾石樂隊來港演出後，即自掏腰包撲飛，結果前晚坐在第三排台前位置，嘟嘟說：「我企起身跳舞，全程昅實佢哋，去外國都買唔到飛啦。後來我去到party等咗個幾鐘先見到RollingStones，咁大個女都未試過咁等人，不過我唔介意，佢哋真係RockStar，我求鄧永鏘介紹我識，呂方同我細佬都係掹我車邊先有得影相咋，真係好開心。」
嘟嘟謂她還與主音米積加握手，她說：「佢隻手滑過碧咸呀，佢哋四個真係好nice，六十幾歲重咁唱得，咁勁。」嘟嘟謂她向米積加要求合照，對方表示只可拍兩張，而她更決定將照片放在書房當眼處，之前與碧咸的大合照則只放在電腦內。
嘟嘟又謂她自掏腰包共看了四場維港騷，包括Prince、GipsyKing、Santana及滾石樂隊，她說：「雖然有好多負面新聞，但希望出年都繼續搞，香港係個大都會城市，應該請多啲國際知名樂隊嚟演出。」
此外，前晚薛芷倫與前夫馬清偉都有到添馬艦看騷，薛芷倫入場時興高采烈表示與前夫相約一同捧場，但完場後馬清偉先行離去，薛芷倫離去時表情甚為不快，她說：「我之前都有同個女嚟睇，今日係同阿媽睇，我要搵番阿媽先。」
而除米積加外，滾石樂隊其餘三名成員昨日下午分別由保鑣及工作人員陪同下，乘飛機到紐約。
採訪：李珮洳、比華利、何永寧
攝影：林德雄
