好耐冇見潮界金牌經紀人「大隻標」，原來佢正準備去搵花園街波鞋舖老細交Proposal。「大隻標」收到風，𠵱家波鞋街好多老闆想轉型，希望由「運動用品店」變身成「概念店」（即係時下最流行成間白雪雪，乾淨企理，有型有款嗰啲舖頭）。因為好多大牌子，如關刀、三間、客貨Van等，正全力進攻街頭時裝巿場，對旗下零售客戶形象要求自然較高。以前啲Sales邊食飯盒邊Sell波鞋，𠵱家絕不容許再發生，否則相信連「自由行」旅客見到都會反感。「大隻標」話：「𠵱家以『吮字頭』對呢類『概念店』生意最感興趣，因為佢哋收到風，香港關刀將會返SB，如果舖頭形象好，咁就夠牙力才攞多啲鞋，做大啲生意。你知喇，波鞋街啲老闆喺旺角做舖做咗成二十年，叫佢哋轉型做『概念店』確實有點難度。就算開到舖，班夥計都要Train過，第一件事係幫佢哋戒甩唔好講術語，例如成日話『M孖二』（即係冇Size）、『腌四』（呢個客好煩）、『星四』（Sales啲Friend），否則就前功盡廢喇。」
主持人：大食Jack
八卦熱報：