上個禮拜，環保署錄得香港各區空氣污染指數不斷飆升，大使出去做嘢，見周圍環境白濛濛，大使仲以為冬天已經悄悄地走了，春天嚟緊嘞，點知天文台突然話呢個禮拜天氣轉涼，大使即刻拎番啲禦寒衣物出嚟抵冷。
對於好多體弱多病嘅綜援長者嚟講，社署早排削減綜援金，佢哋同大使呻𠵱家一日兩餐要慳啲使，重邊度有多餘錢喺冬天買寒衣、棉被……為咗幫助呢班弱勢社群，蘋果基金每年冬季都會發起「送暖行動」籌募捐款同埋禦寒物資，令缺乏家人照顧嘅獨居貧困老人得到溫暖，唔使冷親。以往「送暖行動」嘅受惠對象主要係老人家，但𠵱家經濟唔好，大使探訪好多低收入家庭，睇到佢哋同樣冇能力買足夠寒衣畀細路，所以，今年基金希望可以幫助呢班赤貧家庭。
非牟利慈善團體𠵱家就可以同我哋申請禦寒物資，受惠對象以獨居弱老或者貧窮家庭為主，查詢可致電暖流熱線：29908688。
大使喺度呼籲善長慷慨捐款支持「送暖行動」，令更多年老無依嘅長者、貧窮家庭嘅孩子唔使捱凍咁慘。
「送暖行動」專戶捐款編號：C0670
暖流熱線
電話:29908688
傳真:23702192
電郵:
網址：