澳門格蘭披治賽車花絮

AE86睇得唔鬥得
卡通漫畫及電影《頭文字D》大受歡迎，故事中那部專責送豆腐嘅AE86更加係車迷心目中既無敵戰車，噚日舉行嘅古典車賽，其中有部打扮到好似漫畫入面嘅AE86，成為各方車迷爭相拍照對象，不過落場時，架車就唔好彩炒咗，可謂睇得唔鬥得。

新聞中心變白鴿籠
賽車新聞中心今年嘅設施大改善，好似為傳媒提供免費上網就最受歡迎，另外流動電話「加油站」，咩牌子手機都可以即時叉電。但新聞中心嘅面積依然係咁大，諗起嚟緊個星期可能會有九百位記者，擠入只能容納百零人嘅記者室，真係唔敢想像。

捧住肚腩起步搞笑
噚日重頭戲金禧盃賽事，由六、七十年代嘅方程式角逐，為增加吸引性，賽會採用最傳統嘅利曼式起步，一眾車手先集合一齊，然後第一時間跑上賽車起步，儀式雖然特別及幾吸引，不過見到個個五、六十歲嘅車手，有啲重捧住個大肚腩，跑起步時場面都幾搞笑。