卿姐劉慧卿前排喺台灣，支持統獨由台灣人民自決，結果返到香港成為箭靶，噚日有位仁兄更勇，企喺旺角街頭大叫要成立香港共和國，不過似乎冇乜人支持。
噚日有班大專學生喺旺角西洋菜街行人專用區搞區議會選舉論壇，有個市民發言嘅時候話，自己會喺選票上寫「X老母」，因為根本冇一個候選人選得落手，到𠵱家都冇一個人肯去搞香港公投。佢重激動到當場大叫要成立香港共和國，又話做香港人好失望。
八方見現場有人擰晒頭，但係論壇嘉賓主持張炳良認真識執生，即刻叫圍觀嘅六、七十人投票，如果贊成香港獨立就舉手，結果只有嗰位仁兄一隻手，好快佢就一個人走咗。
張炳良及時挫敗咗一次分裂國土嘅陰謀，拯救咗國家民族嘅命運，呢件功勞，國家應該要記住，過兩年都睇怕輪到佢做政協委員嘞。
傳真︰2623-9278
電郵︰