《南華早報》近排慶祝一百周年，除咗上星期四隨報附送佢哋一百年前第一份報章嘅複印本外，噚日佢哋本星期日周刊更大製作，回顧過去一百年嘅大新聞。首富李嘉誠嘅新聞當然唔少得，但本周刊咁多超人新聞唔選，選出嘅，竟然係八六年六月，李超人因為觸犯內幕交易而被公開譴責呢段唔係好多人記得嘅舊聞（圖）。
當時李超人收購咗英資和黃而聲名大噪，點知就出咗呢單負面新聞，當年佢賣咗好多報紙廣告反駁指控，由於內幕交易以前唔係刑事，只係譴責了事，所以冇幾耐啲人都唔記得，相信李超人亦最唔想人記得，點知今次南早慧眼獨具，真係唔畀面。
傳真︰2623-9278
電郵︰