昨晚梅艷芳繼續第四場演唱會，梁詠琪、陳小春擔任表演嘉賓，梁詠琪出場時大讚阿梅說：「我好佩服梅姐好專業，我今日嚟到先知佢有少少唔舒服，有少少發燒，但係佢都好專業企出來表演，令我更加佩服佢。」阿梅說：「呢啲係每位歌手應該做到嘅嘢。」
昨晚梅媽亦如常到場為愛女打氣，而何鴻燊、四姨太梁安琪、張學友、李克勤和謝霆鋒均有前來捧場。阿梅昨日拜神後，向在場歌迷拍三下心口，再揮手講拜拜，心情十分愉快。
而梅艷芳前晚在紅館舉行第三場演唱會時，她介紹陶喆出場時說：「我好鍾意呢個人。」台下觀眾大叫劉德華，阿梅說：「唔係呀，呢個嘉賓係我好鍾意佢，佢唔鍾意我㗎，不過我每次聽佢嘅歌都會暈倒。」
不過演唱會舉行途中卻發生炸彈疑雲，有人向警方虛報現場有爆炸品，指稱紅館第四十三段有冒煙情況，警方到場後，阿梅的助手Marianne則步出後台拜神。
據坐在第四十三段的觀眾稱，當時的確聞到有人抽煙，而阿梅亦不時望向該方向，幸好事件對演唱會沒有影響。完騷後，問阿梅知否有人惡作劇報警，她不屑地聳聳肩便離去。Marianne昨在電話中說：「噚晚冇事，我只係未上香所以去上香，咁啱啫。」而林文龍與女友郭可盈、楊紫瓊與鍾再思前晚均有捧場，楊紫瓊還舉起拇指讚阿梅表現出色。
採訪：陳梅香攝影：陳偉權