秋風起，除咗三蛇肥之外，亦都係每年毅行者舉行嘅時間，八方每年都好佩服呢班又出錢又出力嘅善長仁翁，事關毅行者大大話話要行足一百公里，好似今年咁，一班參賽者上周五開步，直到噚日所有隊伍先行完晒，圓滿結束。
參賽嘅隊伍入面，有一位經曾感染咗沙士死裏逃生嘅張穎儀醫生，佢三月嗰陣時同沙士搏鬥咗二十一日，康復後再憑佢頑強嘅鬥志，經過三十九小時多嘅努力，同隊友勞永樂等一齊成功抵達終點。
張醫生行完之後話，成功行完毅行者，終於覺得自己從沙士康復過來。
毅行者行足兩日一夜，終於見家鄉，香港喺阿董帶隊之下，行足六年，行到跛都未走得出個絕情谷呀。
傳真︰2623-9278
電郵︰