立法會前議員、現任多期封面都對阿董唔客氣嘅某周刊副社長嘅程介南，年前因為以權謀私而被判監年半，雖然程介南因為呢件事搞到議員都冇得做兼入冊，但問世間，情是何物，佢女朋友張專對佢都依然不離不棄，喺程哥哥蒙難嗰段日子，每日一封情信傳情達意。據說文字重相當感人，拍得住《哀綠依與阿伯拉的情書》㖭。
最近八方收到風，話程介南決定下個月同張專拉埋天窗，畀呢位紅顏知己一個名份。雖然早幾日八方走去金鐘婚姻註冊處，睇吓佢哋排期排幾時嗰陣，唔覺程介南同張專個名，但八方老友話程介南已經着手搞下個月嘅結婚派對，估計佢可能喺香港擺酒，喺外地註冊都唔定。
（圖）聽聞程哥哥𠵱家已經搞緊佢同張專喺下個月嘅結婚派對。
傳真︰2623-9278
電郵︰