千嬅拍過劇一樣冇獎

楊千嬅與梁朝偉昨日在九龍塘為馬偉豪執導的電影《地下鐵》，拍攝一場講述偉仔開婚姻介紹所，千嬅去到光顧但找不到合適人選，結果要偉仔頂上，千嬅更拿起盲公竹扮失明人士。

「TVB好公平」
《地下鐵》一片將於日內完成拍攝工作，之後千嬅會全情投入唱片工作，對於有歌手為爭取年底音樂頒獎禮的出鏡率，自薦演出無綫開拍的音樂劇，但千嬅則事先張揚無暇演出，她說：「我要到明年三月至有期，年底接近頒獎禮，就算出鏡少咗，都唔關事，每年頒獎禮機制都唔同，都係嗰句做好工作就得，同出鏡率冇關。我都幫無綫拍過劇，咪一樣冇獎攞，TVB好公平嘅。」
問到發生廉署的「舞影行動」後，接近年底會否避嫌減少與高層飯局？千嬅說：「要對號入座，就算喺餐廳同人打個招呼都可以領嘢，我只會照自己歌手工作去做，問心無愧，唔會理人講乜。」
採訪：魯萍
攝影：黃文成