梁詠琪（GiGi）昨日在九龍塘出席麥當勞頒獎禮，近日忙於拍攝電影《絕世好賓》的她坦言趣事多籮籮，她笑說：「因為套戲好多時星期日喺中環等地取景，通常好多菲律賓籍人士聚集，佢哋好熱情同樂意做臨時演員。」
GiGi續說：「佢哋（指菲籍人士）見到青雲重色迷迷，我諗青雲喺菲律賓都算靚仔，算係菲律賓劉德華㗎。」GiGi又透露在戲中飾演一名被人欺騙金錢的有錢女，問她現實生活可曾受騙？她說：「我試過喺美國揸車唔小心撞倒人，結果被人呃成四百元美金，差唔多三千幾港幣，原來美國好多人專門喺街度扮被人撞而屈人錢，真係同情心唔可以濫用。」
問GiGi與男友鄭伊健誰較容易被騙？她說：「我比較懵啲，不過我哋兩個都將理財呢樣嘢交畀身邊啲人，減低俾人呃嘅機會。」