王見秋敗走平機會，邊個頂呢個三煞位，恐怕老董同何志平有排頭痕，有政界中人話咁嘅環境，老董袋中可以見得吓人嘅人選，數來數去，得番「公職王」陳智思。不過剛剛「炒車」嘅陳智思一聽見八方咁講就耍手擰頭，佢話第一呢份係全職公職，佢成大盤生意喺度，邊放得低！再者佢又高票當選再做社聯主席，𠵱家社聯剛剛起步改革，佢做主席重諗緊點引入多啲商界支持社福活動，邊得閒再搞其他嘢。
講開又講，原來社聯早排架構重組，由今屆起主席改為兩年一任，可連任一屆，最多做四年，佢今次當選可以做兩年，但佢之前原來做咗三年，加加埋變咗做五年，咁突咗一年出來點算？呢次真係連主席都考起！
傳真︰2623-9278
電郵︰