前日民政事務局局長何志平避戰立法會，要由「馬仔」民政事務局副秘書長余志穩單槍匹馬力敵班尊貴議員，為平機會風波解畫。雖然余志穩不嬲係叻仔一名，同議員關係又好，又明知佢只係代罪羔羊，班尊貴議員唔會難為佢，但佢今次都係「黑仔」㗎喇！原來做何局長隻代罪羔羊本來唔係佢，而係另一位副秘書長關永華，事關佢先係睇開平機會，但關永華咁啱放緊大假，結果余志穩只好頂硬上！
但又有人話，何局長講到尾，冇理由搵個副秘書長出來頂，咁阿契媽，常任秘書長李麗娟喺邊？你冇理由有皇馬碧咸、孤雛、太空人就立刻蒲面博影相，要去立法會就潛水先得㗎！
（圖）可能契媽閃得快，唔使理平機會隻鑊。
傳真︰2623-9278
電郵︰