杜汶澤前晚在觀塘拍攝大快活新廣告，除有近百萬酬勞外，還有一世免費任食優惠，杜汶澤即大叫說：「咁以後結婚擺酒都喺呢度啦。」
該廣告早年由謝霆鋒拍攝，但廣告商今次選用杜汶澤，杜汶澤說：「拍廣告唔同拍電影，佢哋唔會話我知之前想搵邊個㗎嘛，都唔知係咪真。」杜汶澤又說：「搵歌星拍呢啲唔真實呀，佢哋點會去快餐店食嘢呀，我哋咁平民化，可信性高啲。」
杜汶澤戴着一隻私伙勞力士金表亮相，他說：「本來隻表賣十五萬，麥兆輝帶我去買，十一萬。」杜汶澤謂其女友田蕊妮很討厭他買金表，他說：「所以大塊田（即田蕊妮）好憎麥兆輝，但我覺得金勞可以保值，好過買樓咁大負擔，又要供又要負資產。」
採訪、攝影：陳梅香