向來以製造四驅車而聞名於世嘅Jeep，除早前推出嘅GrandCherokee備受車迷追捧外，響剛過去嘅第37屆東京車展上，佢哋所展出嘅一部Treo概念車，亦叫在場車迷無不對其行注目禮呢！
車首設計帶有FamilyLook嘅Treo，不但外形獨特有CyberFeel，而且重可以加裝多款不同配件，以凸顯一份自家獨特個性；至於車廂方面，由於軸距達2450mm，故此能為乘客營造出寬敞闊落嘅車廂空間，加上承托力十足嘅座椅，乘坐舒適度亦見不俗呢！當然呢款Treo嘅車廂布局，亦顯現出一份前衞感啦！動力則係源自兩台分別設於前輪及後輪嘅電馬達，匹配恒式四驅及各項先進技術，以達致好力又環保嘅要求。相信若此車能正式投產的話，勢必令車壇起有重大變化呢！