唐英年自從做咗財司之後，本來鴻運當頭，乜都有起色，正式樓股齊鳴，點知一單維港匯，搞出個大頭佛，想唔上身都好難，不如就高調啲主動去查，都不失為一個上策，否則正當嘅嘢都做唔到。
八方聽聞，由周一起唐唐就開始見立法會議員，諮詢佢哋對於新一個年度嘅財政預算嘅意見，打頭炮嘅係李卓人同劉千石，咪睇唐唐出身大商家，佢同阿人阿石不嬲幾好傾。之後就到自由黨、民建聯、同工聯會，不過民主黨因為時間未傾掂，日期未定，絕對唔係大細超喎。財政預算案呢味野有晒程序點做，唐唐按部就班做就差不多，當然吸取阿松嘅教訓，加稅就最好免問啦。
傳真︰2623-9278
電郵︰