滾石樂隊噚日嘅演出，令到巨星匯罕見咁出現高潮。
不過負責嘅公關繼續搞笑，限住每間傳媒機構只可以畀一位文字記者同一個攝記入場，然後安排班文字行家坐頭位睇騷，更聲稱個位好貴，位位＄1988，不過滾石好大方，幫記者畀晒錢，二十個記者，計落要成四萬蚊。
公關大員又話，滾石去度度開騷都係咁疏爽，「冇咩特別㗎」。
記者喺場內掛住做嘢，冇乜心情亦都唔會掛住睇騷，但啲公關大員係都要話優惠你，咁滾石有九成入座率，你唔可以話佢請記者睇騷做數，何況又唔係用公帑，唔可以郁佢，真係吹滾石唔脹，港記真係大開眼界。
傳真︰2623-9278
電郵︰