昨日有周刊報道指前英皇小花何嘉莉近日與髮型師男友余勝友暢遊東京返港，由於嘉莉比前圓潤不少，報道便直指她未婚懷孕三個月，不過嘉莉昨日卻致電前經理人霍紋希哭訴，指報道全屬揑造，故她會採取法律行動。
嘉莉昨日在電話中說：「我冇大肚、冇結婚、冇同居，我先得嗰二十三歲，唔會咁快諗呢啲嘢，我𠵱家都重讀緊design，生活過得好好，我爹哋媽咪都有做嘢，我嘅經濟亦冇問題，希望啲雜誌放過我，我只係想過一啲平淡嘅生活，多謝大家關心啦。」
對於身形比前圓潤，嘉莉就解釋：「我係因為坐咗幾個鐘飛機返香港，搞到塊臉有啲腫，一落機就被記者影到，所以至覺得口腫臉腫啫。」
此外，應采兒昨日在中環一個相機活動上擔任模特兒，對於御用髮型師余勝友被指與何嘉莉同居，而女方更懷有三個月身孕一事，應采兒笑說：「雜誌講啫，如果係有，我今日都有啦，可能係佢件衫鬆啫；我今日喺髮型屋都有笑佢紅過我，雜誌出佢嘅相都唔出我嘅相，但我冇向佢求證，唔想搞到佢尷尬。」
採訪：朱倬誼