限量Dior聖誕化妝系列金光閃閃叫人迷

早幾日睇到一個講聖誕消費的電視節目，話去年就算經濟唔好，全球在聖誕禮物及用品的消費，亦超過一億港元！所以，每年一到11月經已有聖誕禮品上市，爭頭啖湯，鬥快揸乾你荷包。報告又話平靚正的名牌產品是頭號熱賣貨，例如Dior的J'adore就賣出1,000萬支！講咁多，都係想話你知：今年Dior黃金聖誕限量化妝品有得賣喇，手快有手慢無！

記者：梁珮瑜攝影：黃子偉
模特兒：LisaSugita@StarzPeople
化妝：CherryYuen@ParfumsChristianDior
髮型：RiskyLee@BeijingHairCulture

Dior勁金限量唇盒必搶！
靈感源自JohnGalliano設計的ChristianDior秋冬時裝系列，聖誕GoldPower妝容夠晒奢華有型格。而今年的限量主打產品，就係必搶的DiorSparkling2CompactLipsticks。金光閃閃的長方形雙色唇膏彩盒，盒面更用上金色閃石拼成DiorLogo，絕對配合勁金的華麗化妝主題。

■GoldPower廣告玩性感高貴，是近年品牌改革後已少見的形象。

■Dior聖誕主題妝容「黃金魅力GoldPower」

■黃金唇膏盒內附鏡子及唇掃，可以隨時隨地補唇膏，小巧方便。

黃金靚妝塗抹玩手指
雖以華麗的金色作包裝，但聖誕金妝的技巧就係簡單易學的玩手指，即用手指塗抹顏色。化妝師建議冬季可使用粉霜狀的眼影或胭脂，而配合用手指塗色會較上色，效果更持久。

■唇膏有兩色選擇：桃紅、粉紅的HappyFew、螢光桃紅及橙金的Showoff。

■黃金盒除了有雙色DiorAddict唇膏，更有吊鏈可以掛上手袋作飾物。$280(限量)

■直接用眼影棒將粉霜眼影塗點在眼蓋上，份量不可太多。

■然後用手指輕輕平均推開眼影，如要加添顏色可重覆使用。

■粉霜狀眼影筆質地輕盈透明，技巧容易掌握，效果亦自然幼滑又持久。

眼妝三色：
a.OmbrePlume柔彩眼影筆，全新金銅色BronzeBlast。$155（限量）
b.珍珠色柔彩眼影筆，可作眼影打底及Highlight。$155
c.DiorShow舞台睫毛膏，用上黑色更能配襯耀眼的銅金眼影。$180

Dior聖誕唇膏盒愈玩愈金
Dior化妝系列本身愛「玩金」，而每季聖誕推出的限量版更多以勁金為主，盡顯高貴形象。玩金玩得唔娘炳係Dior至有，加上價錢抵玩，難怪呢幾年其X'mas唇彩都係至搶手、至令女性期待的限量品。今年Dior不單愈玩愈金，更加料玩埋閃石，最筍就係價錢比以往更抵，絕對有搶購的理由！

■01年聖誕限量唇膏盒已玩「金」，當年售$300，相比之下，今年的黃金盒就更抵買。

紅粉聖誕全新色調
除了唇膏盒及眼影筆，Dior多款經典及王牌化妝品亦推出聖誕限量版，全新紅粉色調，賣完就無！

a.RougeDiorific是含濃厚顏色的唇膏，全新4色有絲絨啞光、亮澤或金粉效果。各$165（限量）
b.DiorificPlasticShine持久唇蜜全新色彩PinkHype，珊瑚粉紅中含珍珠金粉，效果十分閃亮。$145（限量）
c.經典的Dior甲油DiorVernis，聖誕新色PoshPurple有豔麗的紫紅效果。$130（限量）

金妝打底必備
DiorSkinEclatSatin滋潤絲柔粉底液，含專利水份複合物，有效保持皮膚表層的水份平衡，最啱秋冬乾燥天氣作化妝粉底。$260

Dior聖誕精選
全新金裝J'adore紀念版香薰SoDior，經典花香換上高貴香水瓶，半透明啞金瓶身再經激光刻上Dior標誌，值得珍藏。$450/50ml（限量版）

查詢：ParfumsChristianDior（28772395）