由民主動力牽頭嘅「區議會選舉民主造勢大會」本來食住巨星匯條橋，下周五（十四日）喺文化中心對開廣場搞個另類巨星匯，叫齊二百五十八名民主派候選人出席亮相，以「一拖十」方式呼朋喚友助聲威。
點知一度到個節目表，就有人提醒鄭宇碩同卿姐哋可能犯例。
八方諗，民主派咁莫水，點會有錢派？原來大會本來準備搵班學生唱吓歌，跳吓舞，但係選舉事務處就話，根據《與競選活動及投票有關嘅舞弊行為》規定，為他人提供食物、飲料或娛樂，藉以影響該人或第三者嘅投票選擇，都唔得嘅。咁學生仔表演算唔算娛樂呢？選舉事務處話要睇詳情喎，再唔明就問老廉啦。
有啲人講嘢都好好笑，佢哋喺台上發表高見、做棟篤笑，又唔知點計呢？
傳真︰2623-9278
電郵︰