金慧英和夫婿姜皓文（黑仔）在佐敦開設的「MyHeart」按摩店於周日開幕，到賀圈中人包括成奎安、吳岱融、林偉和葉振棠等。
其實金慧英已在尖沙嘴、中環及鰂魚涌分別開了三間「MyHeart」首飾店，現在再開一間同名的按摩店，她說：「今次間舖係我同朋友合資嘅，之前嘅飾物店已經有幾百個會員，多數都係OL，佢哋好多都鍾意做腳底按摩，但係想搵啲令佢哋舒服嘅地方，我見呢度環境幾好，又幽靜，咁啱同朋友傾開，佢又有興趣投資，咪開舖囉！」
金慧英續說：「黑仔𠵱家除咗拍戲，都有做幕後，有時又會幫圈中人接吓登台咁，其實做多啲唔同嘅嘢，增廣見聞，對拍戲都有幫助啦。」