黃佩霞近期落力keepfit，玩攀山、騎單車兼扒獨木舟，原來她在下周將與外籍男友Bryan，同往南丫島參加外展訓練，而她更籌備於明年偕男友一起報名玩野外求生賽，希望藉賽事來作真情測試。
黃佩霞與外籍男友Bryan拍拖一年，兩人之所以共墮愛河，其中一個原因是雙方均有共同興趣，就是喜歡戶外運動，由於Bryan近期自資一間專辦外展訓練的公司，故黃佩霞亦力撐男友，並會於下周同往南丫島，參加由男友做搞手的兩日一夜訓練課程。
日前黃佩霞接受本報電話訪問時說：「南丫島不嬲都係我哋嘅拍拖勝地，但呢次有成幾十人一齊去，會好玩得多，一個人成日坐喺寫字樓好悶㗎，有機會接觸吓出面，發展吓團體精神係好事，人嘅鬥志都會高昂啲。」
黃佩霞一向熱愛運動，開辦瑜伽學校的她，平日亦有作攀山、扒獨木舟及騎單車等訓練，而過往她也曾參加過三次越野賽。在今年上旬，她曾與男友報名參加在沙巴舉行的野外求生賽事，惜當時因沙士問題而取消，不過該賽事暫定於明年再辦，黃佩霞表示屆時她一定會再與男友報名。
黃佩霞笑說：「因為喺個賽事過程中，大家都會好心急，乜嘢真性情都會走晒出嚟，中間亦要克服好多難題，係一種好好嘅考驗，真係患難見真情，所以我都好贊成啲情侶應該一齊報名參加。」
採訪：朱倬誼
