老董在香港招呼副總理曾培炎，無端端益咗煲呔曾，終於可以代表特區政府去珠海，出席「世界經濟發展宣言」嘅發表儀式，天大榮幸，同吳儀副總理同場開會，睇怕今次煲呔都應該笑番吓啩。
香港人梗係冇乜人知呢個宣言係乜，不過，新華社就講得好巴閉，話係繼溫總理出席嘅「博鰲亞洲論壇」後，一周內嘅另一單國際盛事喎，即是話中國已經開始由國際政治及經濟活動嘅參與者，成為規則嘅制訂者咁講。
據說中國今時唔同往日，喺全球已有「一定」影響力，可以做吓一哥，話吓事，負吓責，同大家共贏、互利合作咁話。咁又係，東亞運動會嘅九國之中，中國又確實係大佬嘅。
祖國強盛，香港可以叨吓光，好過跟住老董，懵吓懵吓，一仆一碌，撞板未得天光。
傳真︰2623-9278
電郵︰