香港郵政噚日舉行「中國敲擊樂器」特別郵票發行儀式，一套五款嘅新郵票分別印有五種敲擊樂器，包括長鼓、拍板、鐃鈸、雲鑼、編鐘，儀式特別邀請香港中樂團理事賴顯榮律師擔任主禮嘉賓，非常熱鬧。
香港郵政助理署長（業務發展）李景光喺儀式上面話，發行「中國敲擊樂器」特別郵票，係因為中國樂器源遠流長，種類繁多，當中又以敲擊樂最為普羅大眾熟悉。
農曆新年、端午節呢啲傳統節日，或者婚宴壽宴等喜慶場合都會大鑼大鼓，即使係對音樂一竅不通嘅人，都會感受到敲擊樂所帶嚟嗰份洋洋喜氣。
傳真︰2623-9278
電郵︰