早兩日，亞Mark曾經同大家披露過，話大昌旗下嘅本田同福士代理，為咗要節省每月開支，將會響明年四月，將位處太子嘅寫字樓，搬回九龍灣大昌汽車服務中心；然而，有口痕友問亞Mark，咁麥Sir領導另一汽車品牌嘅奧迪，又會否有變動呢？據亞Mark所知，由於上述代理辦公室喬遷嘅關係，原奧迪汽車代理─合迪汽車嘅寫字樓，就會搬去同樣位處九龍灣嘅AudiCentre二樓，至於原有奧迪香港及九龍陳列室，分別由兩位SalesManager管理，現今葛Sir會睇埋AudiCentre嘅日常銷售業務，而Dominic就繼續睇番香港區嘅銷售工作。
亞Mark期望明年嘅本地汽車銷量，能夠持續回升之餘，亦好希望奧迪全新A3同埋A8長陣Limousine版本，會帶來一番新景象及能夠刺激銷路啦！