王菲昨日戴上狄波拉送給她的愛情繩，前往港台接受訪問，其間王菲破例大談愛情觀，她表示別人會將功利及陰謀放在她的愛情上而去引發戰爭，但她仍會堅持將愛進行到底，此話無疑是力撐愛郎謝霆鋒的最佳強心針。
王菲昨日前往港台接受《娛樂滿天星》訪問，謝霆鋒的初戀女友戴辛尉昨亦恰巧在港台錄音，霆鋒新歡舊愛共冶一爐，不過王菲及戴辛尉於錄音室走廊狹路相逢時，雙方卻未有打招呼。
昨日王菲心情勁靚，戴上墨鏡、穿上七彩波點T恤，手上還戴上狄波拉所送贈的愛情繩，記者問她能否脫下墨鏡拍照？王菲聞言即調皮地把眼鏡拉低，又把玩手上橡筋，給記者影個夠後才接受主持陳淑蘭及周國豐的訪問。
王菲在節目中破例大談愛情觀，她承認其新歌《將愛》是自己憑歌寄意的作品，她說：「張碟入面有四首自己嘅作品，寫啲嘢係有感而發，將愛進行到底係點題意思，歌名《將愛》都係我改，簡短化咗，因為呢排同朋友玩呢樣嘢，會將一句說話簡短講出嚟。」
主持人陳淑蘭指王菲新歌中有句歌詞是「轟轟烈烈入戰場」，令人感覺有點灰，王菲卻說：「唔係灰，愛情本身唔係戰爭，但喺我嘅愛情上，要引發一場戰爭，只係人哋附加上去，好似功利、陰謀，人哋覺得好似好複雜，有利用嘅嘢喺入面，但呢啲人嘅睇法影響唔到我，其實愛情就係愛情，係好簡單，將愛進行到底就係我嘅經歷。」由於過往多次有傳霆鋒借王菲做宣傳，加上張栢芝又曾介入「王鋒戀」，所以王菲此話，無疑是力撐愛郎的表現。
王菲新碟中有收錄霆鋒寫給她的歌曲，她揚言不怕因而招話柄，她說：「冇得驚，我只係聽隻歌，唔理邊個寫，好就會用。」這時她突然痰上頸，忍不住說：「哎吔，我乜事呀？」之後她續稱：「首歌唔似謝霆鋒嘅歌，唔識講，啲人要寫冇得避免，傳媒鍾意寫都好正常。」
採訪：王連連
攝影：林德雄
