早前與陳曉東合作拍《男女字典》網劇而傳緋聞的郭慧，近日與來自星洲的男模Leon拍攝一輯婚紗廣告，兩人首次合作便要打情罵俏，擁抱搭膊頭奉旨親熱，被問到為何不請東東做新郎時，郭慧則笑說：「因為佢貴囉！」
郭慧早前與陳曉東拍攝網劇《男女字典》，兩人因夜會蒲吧而傳出緋聞，但近日郭慧為《新婚情報》拍攝平面婚紗廣告時，新郎卻不是東東，而是來自星洲的男模LeonWilliam。
郭慧的皮膚天生黝黑，但今次婚紗店正是看中她的黑妹形象，才邀她擔任新娘子拍廣告，因為外國流行黑皮膚襯米啡色婚紗，所以雙方一拍即合。
問郭慧為何不與東東合作拍廣告，她日前在電話中笑說：「因為佢貴囉！其實我係識得間婚紗舖嘅人，用友情價接拍。我唔介意同東東合作，做嘢之嘛，大家係要傳嘅，都控制唔到，如果大家鍾意影，我唔介意同佢食嘢飲嘢時被你哋影，我次次同東東出街，我男朋友都喺度，但啲人影咗都唔登我男朋友，係話我同佢都冇法㗎。」
郭慧當日在大角嘴一間影樓內，與男模Leon拍攝廣告，她先後穿了六、七套婚紗及旗袍，與Leon拍照時也十分投入，拖手擁抱兼搭膊頭，溫馨甜蜜恍如一對新人。
此外，這次是郭慧第一次穿婚紗，未知她穿婚紗時有沒有憧憬？她說：「女仔到咁上下年紀係會諗下嘅，我希望第日着泳衣式嘅婚紗喺沙灘行禮，或者大家着民族服，喺大草原搞婚禮都唔錯。」
採訪：朱倬誼
