洪欣和年輕七年的影壇新人郭力行熱戀，二人近日已承認戀情。昨日洪欣接受薛家燕主持的新城節目《家天下》電話訪問，大談兒子跟郭力行相處愉快。
有報道指二人的戀情是「姊弟戀」，洪欣昨日在電話訪問說：「我初初識對方都唔知佢幾多歲，但報道話嘅數字就多咗。我覺得拍拖都冇乜嘢大不了，因為都係正常生活，但最緊要係兩個人相處得來，我希望可以保留多啲私人空間，所以結婚問題遲啲先諗。」問她其兒子可接受郭力行時，洪欣說：「囝囝對我身邊朋友，無論三歲到八十歲都咁接受，佢好鍾意撩人玩。」
此外，洪欣即將接拍內地劇集《金瓶梅》，她說：「我好希望可以嘗試扮演潘金蓮呢個角色，但朋友就話個角色形象唔係幾好，叫我諗清楚先演。」