大學要四圍「乞錢」，自不然要爭取宣傳。理大出咗一篇新聞稿，介紹應用數學系教授祈力群「蜚聲國際」，被譽為一九八七至一九九九年間國際最具影響力數學家之一。咦，好威水噃，到底乜料？
原來係「國際權威引文資料庫ISIHighlyCited.com排名榜」，選出近二十年來，二十一個學科中被引用文章次數最多嘅二百五十名科研人員。
原來喺學術界，人哋引你嘅文章次數愈多，愈代表你嘅研究有價值，當然，引述你嘅期刊，梗係要耶魯哈佛嗰一級學術界至得，唔通海南島嘅五指山大學咩。
數學科方面，一共有二百三十二人登上排名榜，祁力群係其中之一，佢話，最榮幸係能夠同一啲殿堂級數學家齊名，包括佢二十年前讀博士時嘅兩位老師：加州大學嘅MichaelCrandall同威斯康辛大學嘅CarldeBoor。
不過，祈力群唔係香港上榜嘅唯一科研人員。舊年至去科大嘅大氣、海洋及海岸環境專家PaulJamesHarrison，都榜上有名。
傳真︰2623-9278
電郵︰