「啤梨」葉文輝除喜歡跳舞外，也很欣賞跳水及體操等美感與力量結合的運動，他說：「每逢遇到大型運動會有體操及跳水等電視節目，就會盡量抽時間看直播或轉播，因為很喜歡這兩項運動嘅動作夠靚。」
「我發覺跳舞同自由體操及藝術體操等運動，其實有些相似地方，例如同樣好講求運動員身體嘅柔軟度；好多跳躍動作，好講究腳部嘅靈活性，可能因為係咁，所以自己特別喜歡睇體操同跳水呢兩項運動。另外，我亦幾鍾意睇游水，除鬥快夠刺激外，游泳運動員嘅身形比例通常都好靚。」葉文輝說。
問到「啤梨」最喜歡到哪位運動明星時，他不假思索便答是中國「體操王子」李寧及美國的經典跳水運動員盧根尼斯，他說：「好細個睇電視已好欣賞李寧，覺得佢各個體操項目都掂，表現又夠定。」
「盧根尼斯可以話係男子跳水運動員嘅代表人物，佢有近乎完美嘅身形，每次跳水嘅動作都好優美，而佢每次跳完水，上咗泳池之後，用手將濕咗嘅頭髮撥去後面嘅動作極之有型，令人難忘。」他說。