近年，有唔少新車款推出嘅寶馬汽車，遲吓又會有新車抵港喇！事關早前廠方落實會有一款較現行X5細一個碼嘅全新SUV車種—X3型號面世。早前，車廠重廣邀世界各地汽車傳媒，前赴西班牙南部作實地試車㖭！據知，我哋嘅特派記者亦有幸成為其中一分子，聽聞呢部用上一台3.0公升直6偈嘅新一代SUV，唔單止有如X5出眾嘅操控性之餘，Off-road起來亦一啲都唔失禮，相信會吸引到一班年輕又充滿活力嘅用家口味㗎！據亞Mark打探所知，呢款X3響德國嘅定價，等同一部寶馬330iA開篷車，相信若然遲吓明年3月抵港時，而車價又較X5更具號召力的話，再加埋頂級版配備有特大Panorama天幕式玻璃車頂，好可能又會好似X5咁，有供不應求嘅情況出現㗎！