有錢佬使錢時到底有乜傾向？相信係很多人關注嘅課題，八方噚日收到美國運通最新公布嘅一項調查，以全球富翁消費取態為題，當然夠吸引力。
據佢哋講，今次訪問咗全球一千名消費者，受訪者來自當地收入最高嘅一至兩成家庭。今次公布嘅調查結果只涉及兩個問題，第一個係問「在餘生中如能夠有多些錢或時間，會選擇哪樣？」香港富豪最多人揀嘅係金錢，佔百分之五十七，百分之三十七則揀時間。
另一問題係要求受訪者在七項影響購物決定嘅因素內，選出兩至三項最重要因素，香港富豪最多人揀嘅係價錢（百分之八十一）、其次係質素（百分之六十三）、第三位係外觀及功能，同美國有錢佬一樣咁精打細算。
傳真︰2623-9278
電郵︰