四十歲的張女士，因丈夫失業多月經濟陷困，正面對被催交欠租、電費及煤氣費困境，一家四口生計堪憂。
「我已經冇交兩個月屋租，恐怕再拖落去遲早會被房屋署收番間屋，到時都唔知點算。我又未交上一期嘅電費同煤氣費，兩筆數加埋成千幾蚊，經濟真係好困難！」張女士苦着臉說。
張女士婚後靠丈夫陳先生任職售貨員維持家計，奈何近年市道欠佳，早前陳先生失業後一直未能找到工作，令家庭經濟非常緊絀。陳先生皺着眉歎謂：「我已經不停去搵工，但競爭好大，有時連面試機會都冇。𠵱家我哋完全冇積蓄，又問唔到人借錢，可以話係山窮水盡。」
張女士接着稱，親友各有家庭負擔，正是「連自己都幾乎顧唔掂」，難以援助她一家度過經濟難關。她訴說：「我最擔心屋企環境咁差會影響到兩個仔嘅心理，佢哋雖然係細路仔，但都幾懂事㗎。」其一對兒子今年八歲和十一歲，分別就讀小學二年及六年級。
蘋果日報慈善基金了解她的苦況後，即時撥款六千元，紓緩其經濟壓力，助她應付短暫生活急需。
捐款編號：C1168
暖流熱線
電話：29908688
傳真：23702192
電郵：
網址：