新城電台DJ葉文輝可說與運動結下不解之緣，小時候已喜歡打乒乒球及踢足球，到中五畢業後，則成功考入演藝學院學跳舞，而過程中除了學到不同的正統舞蹈外，更重要是四年來不斷的艱苦訓練，令到自己無懼眼前的困難。他說：「雖然在演藝學院那幾年的確好刻苦，但經過這些磨練，可以令到自己現在可以從容面對眼前任何困難。」 文：曾雁平 攝影：陳亮華
初次接觸「啤梨」葉文輝是一個由電台主辦的足球活動，當時見身材矮細的他在表演賽中滿場飛，算得上踢得之人。而訪問時問他是否自小已很好動，他說：「我最初接觸嘅運動是乒乓球，之後才開始學踢波。細個放學或者放假嘅日子就經常相約朋友仔到屋邨內的石枱打乒乓波，記憶中曾經參加過校內的比賽，而成績則忘記了！」
「至於踢波就係做童軍時開始，當時負責教我哋嘅阿sir，佢好鍾意踢波，所以每星期步操完之後，佢就會安排我哋大班童軍學踢波同打分隊賽，而佢就負責做球證，我就係咁樣開始接觸足球，但之後就冇恒心再學落去，反而鍾意咗跳舞。」在有線做VJ展開其演藝事業的葉文輝說。
葉文輝表示，到了中四為了集中精力應付會考，就減少了打波，有時間就會留響家中邊聽歌邊溫書。他說：「有時溫書溫到悶，便對住鏡跟住音樂節拍郁動，就係因為咁，對跳舞產生咗好濃厚嘅興趣，之後重開始跟MichealJackson同JannetJackson嘅MTV去跳，跟住就諗，自己可唔可以喺跳舞呢方面發展呢，就喺呢個時候決定，中五之後要到演藝學院學正統嘅舞蹈訓練，而我最終亦成功考入演藝讀跳舞。」
「啤梨」說，在演藝學跳舞嘅四年，過程辛苦得難以想像，他說：「其實跳舞絕對係一種要求好高嘅運動，而運動量重好大，故對跳舞者嘅體能要求好高。記得在演藝四年，每朝都要六點幾就起身，七點鐘已經開始準備上堂，跟住一路跳到午飯時間，到食完飯就跳到夜晚六七點，而夜晚通常都要排舞，在演藝四年只有暑假先有機會唞唞，攞獎學金去外地擴闊視野。」
現在葉文輝回想經過當年在演藝的艱苦日子，鍛煉到自己不怕困難，他說：「我由細到大都算係捱得之人，只係演藝嘅四年毫無間斷，日夜練跳舞，的確好辛苦，而我當時就同自己講，假如我可以捱過唔同嘅訓練，將來一定可以從容面對困境，就算同一時間做幾份工都冇問題。」
別名：啤梨
出生日期：6月5日
身高：1米67
體重：55公斤
學歷：演藝學院舞蹈系畢業
最鍾意運動：乒乓球、足球、籃球
現職：新城電台DJ
