呢排政圈多暗箭，例如秋官奇案，透過某份忽然愛國，不過銷路麻麻嘅報章大反擊，大舉寄發內部文件、密函，將炮位對正胡紅玉，話平機會以前請人都好求其。
噚日各大報館又收到一份匿名傳真，矛頭直指銀行界立法會議員，曾經仗義執言勸秋官辭職嘅李國寶，話寶Baby曾經向前港督彭定康、前港澳辦主任魯平送名酒、送厚禮。成班行家喺立法會問唔到阿寶baby；廉記又話不予置評。
梗係不置評喇，呢啲禮物，只不過係做人嘅禮儀，唔通肥彭同魯平呢一級嘅領導人會受賄？
廉記咁都要查，霍老好年前夠曾經將成間白天鵝賓館送畀國家咯，唔通有人想政治迫害我哋寶baby？
傳真︰2623-9278
電郵︰