八方噚日話老董大細超阻住煲呔接觸領導人，今日搞清楚，可能錯怪老好人，因為煲呔有其他公務纏身，所以冇法抽空去禮賓府接副總理兼同宗曾培炎，至於乜嘢公務咁重要，係咪有心人故意安排，等佢撞期，就不得而知。
不過，始終愛國不分先後，煲呔算補番數，先陪曾副總去睇西部通路，然後去睇迪士尼樂園，之後去埋大埔工業邨。
雖然老董唔想畀民望第一嘅煲呔搶鏡，但係佢又的確唔參加得咁多祖國嘅經濟會議，只好死死地氣叫煲呔頂住，幫佢今日去珠海發表演說。星期六就幫佢做住特首，等佢親自去英法訪問。
𠵱家煲呔似乎已經放下、自在，只係叠埋心水做新翁，佢大仔已經擇定下月九日拉埋天窗，當日早上喺堅道天主教座堂行禮，晚上假君悅擺酒。由於親友眾多，二十日煲呔重會喺府邸搞個酒會嘅reception。
（圖）煲呔（左）接待曾培炎副總理（中）期間，全程都靠邊站，冬冬（右二）就手舞足蹈。
傳真︰2623-9278
電郵︰