今年嘅毅行者，至少有兩位立法會議員全力支持，其中勞永樂醫生重會同曾感染沙士嘅抗炎醫護人員組隊行足全程，佢希望可以喺三十個鐘內完成。
另一位議員陳智思就冇咁好彩，佢暑假時啱啱做過血管手術，上周又黑仔到發生交通意外撞車，噚日所見，佢隻左腳小腿重有一大片紅紅黑黑嘅瘀血，所以想參加都有心無力。
雖然陳智思因為健康理由唔玩得，但勞永樂參加嘅其中一個原因就係為咗健康，原來佢今年已經係第九屆參加，但舊年只係缺席咗一屆，竟然發現自己肥咗十幾磅。
之不過，勞永樂就話籌款形勢未許樂觀，原定目標一百萬，𠵱家竟然重爭九十九萬零一蚊，即係只有人捐咗九千九百九十九。你估結婚嘅開門利是咩，咁零丁。
傳真︰2623-9278
電郵︰