楊千嬅與任賢齊昨日在無錫拍攝電影《花好月圓》的一場結婚戲，由於他們的戲服和頭飾很重，以致兩人頸部肌肉痠痛兼頭痛，但小齊坦言不敢去按摩，擔心誤闖不正經的按摩院，惹來一身蟻。 記者陳月萍、何國豪無錫直擊
楊千嬅、任賢齊、鍾鎮濤（阿B）、林雪和葛民輝主演的電影《花好月圓》昨日在內地無錫拍外景，由於拍攝小齊與千嬅共諧連理的場面，兩位主角的古裝禮服造型頗為誇張。
小齊一身金色禮服，頭戴武士頭盔；而千嬅的新娘服則充滿日、韓風情，見她頭上簪滿金飾，千嬅說：「呢幾日拍戲，個頭要戴好多金器，戴到頸都側埋一邊，𠵱家條頸好痛，劇組人員要搵按摩師幫我整吓條頸。」
原本千嬅想看骨科，但因為忙於拍戲，根本沒時間看醫生，她說：「等呢幾日拍埋部戲，我先返香港睇醫生啦。有工作人員提議我做針灸，但我怕俾針拮，所以冇試過。反而試過拔罐，搞到背部有四個大圓圈，拍呢部戲真辛苦，下個禮拜又要趕返香港拍《地下鐵》。要完埋呢部戲，先至有時間休息。」
而小齊因為頭飾沉重，又要駁髮上陣，弄得頭皮和頸部疼痛，他笑說：「我都想去按摩院按摩，但我覺得呢度啲按摩院陰陰暗暗，我最驚去咗啲唔正經嘅，然後俾記者影咗相，咁就水洗都唔清，所以早兩日拍戲扭傷手臂，我都唔敢去按摩，只係搵人做針灸。」
此外，阿B昨日雖然沒有戲份，但仍有到場接受記者訪問。原來阿B日前在上海與韓國紅星元斌吃飯，阿B說：「我同佢經理人幾熟，佢咁啱喺上海，所以咪一齊食餐飯囉。不過元斌唔識講英文，我哋靠身體語言嚟溝通，佢個人都幾玩得。」
